Gwastraff gardd
Gallwch gofrestru ar-lein nawr i gael casgliadau gwastraff gardd yn 2022.
Bydd casgliadau gwastraff gardd yn 2022 yn digwydd rhwng 14 Mawrth ac 18 Tachwedd.
Mae’r casgliad gwastraff gardd ar gael i drigolion Bwrdeistref Sirol Pen-y-bont ar Ogwr.
Mae gwastraff gardd yn cael ei gasglu bob pythefnos rhwng misoedd Mawrth a Thachwedd (14 Mawrth ac 18 Tachwedd 2022).
Rhowch eich gwastraff gardd o flaen eich tŷ rhwng 7pm y noson cynt a 7am ar ddiwrnod y casgliad.
Sylwer: Byddwch yn cael gwybod pa ddiwrnod yw’r diwrnod casglu eich gwastraff gardd pan fydd eich sachau’n cael eu dosbarthu.
Cost
Codir ffi flynyddol o £41.01 fesul cartref, neu £36.73 i bensiynwyr. Mae pob cartref sy’n cofrestru’n cael dau fag gardd i gasglu a storio gwastraff gardd yn barod ar gyfer y diwrnod casglu. Gellir prynu bagiau ychwanegol am ffi flynyddol ychwanegol o £5.35. Ni ad-delir y ffi hon.
Rydym yn casglu:
- planhigion
- blodau
- chwyn
- glaswellt
- dail
- toriadau gwrychoedd
Nid ydym yn casglu:
- gwastraff cegin
- gwastraff cyffredinol
- pridd
- rwbel
- boncyffion coed
- rhywogaethau ymledol fel canclwm Japan
Gallwch hefyd ailgylchu eich gwastraff gardd am ddim yn eich canolfan ailgylchu agosaf.
Sylwer: Os byddwch yn symud tŷ, gellir symud y casgliad i’ch cyfeiriad newydd os yw ym Mwrdeistref Sirol Pen-y-bont ar Ogwr. Cysylltwch â ni gyda manylion eich cyfeiriad newydd.